រដ្ឋាភិបាលហាមឃោសនាបោះឆ្នោតសមាជិកព្រឹទ្ធសភាក្នុងតំបន់មួយចំនួននៅភ្នំពេញ

រដ្ឋាភិបាលបានចេញសេចក្ដីណែនាំមិនឲ្យមានការប្រមូលផ្តុំ និងធ្វើក្បួនដង្ហែ តាមតំបន់សំខាន់ៗមួយចំនួន ក្នុងរាជធានីភ្នំពេញ សម្រាប់​ដំណើរការយុទ្ធនាការ ឃោសនាបោះឆ្នោត ជ្រើសតាំង នីតិកាលទី៤ ឆ្នាំ២០១៨ ខាងមុខនេះ។

រដ្ឋបាលសាលារាជធានីភ្នំពេញបានចេញសេចក្ដីណែនាំមួយចុះថ្ងៃទី ២៤ ខែមករា ដោយ​ពុំអនុញ្ញាតឲ្យ​មានការ​ប្រមូល​ផ្តុំ និង​ធ្វើ​ក្បួន​ដង្ហែ តាមតំបន់សំខាន់ៗមួយចំនួន ក្នុងរាជធានីភ្នំពេញ សម្រាប់យុទ្ធនាការ ឃោសនា​បោះ​ឆ្នោត ជ្រើសតាំងសមាជិក​ព្រឹទ្ធ​សភា នីតិកាលទី៤ ឆ្នាំ២០១៨ ដែលនឹងប្រព្រឹត្តទៅ ចាប់ពីថ្ងៃទី១០ រហូតដល់​ថ្ងៃទី​២៣ ខែកុម្ភៈ ឆ្នាំ២០១៨ ខាងមុខ។

ក្នុងសេចក្តីជូនដំណឹង របស់សាលារាជធានីភ្នំពេញជម្រាបទៅប្រធានគណៈកម្មការរៀបចំការបោះឆ្នោត រាជធានី​ភ្នំពេញលោក លុន ឆេងកៃបានឲ្យដឹងថា ធានាបាននូវសន្តិសុខ សុវត្ថិភាព សណ្តប់ធ្នាប់សាធារណៈ ជូនគណបក្ស​នយោបាយ​ទាំងអស់ ដើម្បី​បញ្ជៀស ការកកស្ទះចរាចរ ដែលរំខានដល់ការធ្វើដំណើរ របស់ពលរដ្ឋ ក៏ដូចជា​ភ្ញៀវជាតិ-អន្តរជាតិ។

រដ្ឋបាលរាជធានីភ្នំពេញបានឲ្យដឹងថាការហាមឃាត់ការប្រមូលផ្តុំ ដង្ហែក្បួនឃោសនានេះធ្វើឡើងនៅលើផ្លូវ និង​ទីតាំងសាធារណៈ​មួយចំនួនដូចជា តាមមហាវិថីព្រះនរោត្តម ចាប់ពីវិមានឯករាជ្យ ដល់ស្តុបមន្ទីរពេទ្យព្រះអង្គឌួង មហាវិថីសហព័ន្ធរុស្ស៊ី កំណាត់​មហាវិថីព្រះមុន្នីវង្ស ចាប់ពីស្តុប បេ កា សេ ដល់ស្តុបអតីតមន្ទីរពេទ្យចិន។

កំណាត់មហាវិថីព្រះសីហនុ ចាប់ពីនាគបាញ់ទឹក វិថីសុធារស ដល់ស្តុបអតីតមន្ទីរពេទ្យចិន កំណាត់ផ្លូវមហាវិថីម៉ៅ សេទុង ចាប់​ពី​ស្តុបចេនឡា ដល់ស្តុបទេពផន កំណាត់វិថីសុធារស ចាប់ពីកែងផ្លូវលេខ ១៥៤ ដល់មហាវិថីព្រះ​សីហនុ មហាវិថីព្រះសុរាម្រិត និងផ្លូវជុំវិញ ព្រះបរមរាជវាំង កំណាត់ផ្លូវលេខ ២៤០-ផ្លូវលេខ ១៨៤ និងផ្លូវលេខ ២៩។

សេចក្ដីជូនដំណឹងដដែលបានឲ្យដឹងថាការហាមឃាតនឹងធ្វើឡើងនៅទីប្រជុំជនមួយចំនួន ដូចជា ផ្លូវជុំវិញផ្សារធំថ្មី ផ្លូវជុំវិញផ្សារ​អូរឬស្សី ផ្លូវជុំវិញផ្សារទួលទំពូង ផ្លូវជុំវិញផ្សារដេប៉ូ និងផ្លូវជុំវិញផ្សារដើមគរ។

ចំពោះទីសាធារណៈ ដែលត្រូវចៀសវាងក្នុងការប្រមូលផ្តុំឃោសនាមានដូចជា សួនព្រះបរមរាជវាំង ទីធ្លាព្រះមេរុ សួនមុខវត្ត​បទុមវតី (តែអនុញ្ញាតជូនៅទីវាលការីឡា ចុងខាងត្បូងសួនវត្តបទុមវតី) ទីតាំងវិមានឯករាជ្យ និង​សួនច្បារ វិមានឯករាជ្យ​ទាំង​មូល ទីធ្លាររូបសំណាកលោយាយពេញ និង សួនច្បារអ្នកភិរម្យភាសាអ៊ូ ហៅង៉ុយ៕

ព័ត៌មានផ្សេងទៀត

អគ្គីភ័យឆេះផ្សារច្បារអំពៅស្ទើទាំងស្រុង កម្មកររោងចក្រនៅអង្គស្នួលស្វែងរកកិច្ចអន្តរាគមន៍ពីសម្ដេច ពលរដ្ឋ ៦នាក់ត្រូវបានជួយសង្រ្គោះឲ្យបានវិលត្រឡប់មកកម្ពុជាវិញ មនុស្ស ២នាក់ស្លាប់ក្នុងអគ្គីភ័យឆាប់ឆេះផ្សារក្រុងសែនមនោរម្យ អាជ្ញាធរថាស្ពានថ្មើរជើងរង្វង់មូលនាងគង្ហីងសាងសង់បានពាក់កណ្ដាល ក្រសួងបរិស្ថានរំលែកទុក្ខការស្លាប់មន្ត្រី ៣រូបក្នុងបុព្វហេតុការពារធនធានធម្មជាតិ ចិននឹងផ្ដល់រថពាសដែកជិត ១០០គ្រឿង ដល់កម្ពុជា វៀតណាមបង្កើនជួយបណ្ដុះបណ្ដាលនគរបាលខ្មែរឆ្នាំ ២០១៨ អភិបាលខេត្តបង្ហាញពីផលប៉ះពាល់នៃជនបរទេសដែលស្នាក់នៅខេត្តព្រះសីហនុ ក្រសួងសុខាភិបាលឲ្យប្រុងប្រយ័ត្នត្រីក្រពត ៣ប្រភេទដែលពុលបណ្ដាលឲ្យស្លាប់ ជប៉ុនផ្ដល់ជំនួយជិត ៨លានដុល្លារលើគម្រោងសម្អាតមីននៅកម្ពុជា សិស្សវិទ្យាល័យនៅពោធិ៍សាត់ ១២នាក់បានដួលសន្លប់ជាបន្តបន្ទាប់ ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់ សមត្ថកិច្ចរកឃើញឈើក្រញូងរាប់ពាន់ដុំ បង្កប់ក្នុងស៊ីទែនរថយន្តដឹកសាំង សម្ដេចហ៊ុន សែន ស្នើរឲ្យអ្នកសារព័ត៌មានជួយរិះគន់ដើម្បីស្ថាបនា អគ្គិភ័យកើតឡើងចំនួន ៥១៤លើក សម្លាប់មនុស្ស ២២នាក់ ដំរីព្រៃមួយក្បាលឆ្លងដែន ជាន់ស្រ្តីម្នាក់ឲ្យរបួសធ្ងន់នៅភ្នំព្រឹក ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017 ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017