ក្រុមហ៊ុនធានារ៉ាប់រងជប៉ុនដែលទទួលយកសត្វចិញ្ចឹមជាបណ្តោះអាសន្នពីមនុស្សដែលឆ្លងកូរ៉ូណាវីរុសនេះបាននិយាយថាសត្វឆ្កែពីរក្បាលដែលស្ថិតនៅក្នុងការឃុំឃាំងរបស់ខ្លួនបានធ្វើតេស្ត៍រកឃើញថាមានវីរុសនេះ។
ក្រុមហ៊ុន Anicom Holdings និយាយថាឆ្កែទាំងពីរក្បាលនេះមកពីគ្រួសារចំនួន 2 នៅតំបន់ទីប្រជុំជនទីក្រុងតូក្យូកាលពីចុងខែកក្កដា។ ក្រុមហ៊ុននិយាយថាខ្លួនមិនអាចកំណត់បានថាតើឆ្កែពិតជាត្រូវបានឆ្លងមេរោគ ឬអត់នោះទេពីព្រោះវីរុសនេះប្រហែលជាទើបតែមានលើពួកវាប៉ុណ្ណោះ។
ខ្លួននិយាយថាសត្វឆ្កែមិនបានបង្ហាញរោគសញ្ញាណាមួយទេហើយលទ្ធផលនៃការធ្វើតេស្តមួយក្នុងចំណោមពួកវាបានប្រែទៅជាអវិជ្ជមានរួចទៅហើយ។
ក្រសួងបរិស្ថាននិយាយថាឆ្កែទាំងពីរនេះគឺជាករណីដែលត្រូវបានរាយការណ៍ជាលើកដំបូងដែលសត្វចិញ្ចឹមបានធ្វើតេស្តវិជ្ជមាននៅប្រទេសជប៉ុន។
មជ្ឈមណ្ឌលគ្រប់គ្រងនិងបង្ការជំងឺរបស់សហរដ្ឋអាមេរិកនិយាយថា “ផ្អែកលើព័ត៌មានមានកំណត់ដែលមានរហូតមកដល់បច្ចុប្បន្នហានិភ័យនៃការរាលដាលដល់សត្វនៃជំងឺ COVID-19 ដល់មនុស្សត្រូវបានគេចាត់ទុកថាទាប”៕