កីឡាករ Salah របស់ហង្សក្រហម Liverpool បានរងរបួសនៅក្នុងតង់ទីមួយនៃការប្រកួតក្របខ័ណ្ឌ Champions League វគ្គផ្តាច់ព្រ័ត្រ បន្ទាប់ពីមានការប្រឈមជាមួយខ្សែការពារក្លឹប Real Madrid។
អ្នករៀបចំការដាក់ញត្តិតាមរយៈ change.org បាននិយាយថាកីឡាករសញ្ជាតិអេស្ប៉ាញមានចេតនាធ្វើអោយកីឡាករសញ្ជាតិអេហ្ស៊ីបរបួសដៃ។
មនុស្សរាប់ម៉ឺននាក់បានចុះហត្ថលេខាគាំទ្រចំពោះការអះអាងកាលពីល្ងាចថ្ងៃចន្ទដោយមានញត្តិអំពាវនាវឱ្យ UEFA និង FIFA ដាក់ពិន័យដល់កីឡាករ Ramos។
វាកើតមានឡើងខណៈពេលដែលមេធាវីសញ្ជាតិអេហ្ស៊ីបលោក Bassem Wahba ដាក់ពាក្យបណ្តឹងដោយទាមទាប្រាក់សំណងចំនួន 1 ពាន់លានអ៊ឺរ៉ូ (ស្មើនឹង 873 លានផោន) ពីកីឡាករ Ramos ដោយបារម្មណ៍ថាកីឡាករ Salah នឹងមិនអាចលេងឱ្យក្រុមជម្រើសជាតិរបស់គាត់នៅក្នុងព្រឹត្តិការណ៍ World Cup ឆ្នាំ 2018 នាពេលខាងមុខដ៏ខ្លីនេះ។
លោក Wahba បាននិយាយថាលោកបានដាក់ពាក្យបណ្តឹងទៅកាន់ FIFA ដោយអះអាងថាកីឡាករ Ramos បានធ្វើឱ្យរបួសទាំងរាងកាយនិងផ្លូវចិត្តដល់កីឡាករ Salah។
គាត់បានប្រាប់ទូរទស្សន៍អេហ្ស៊ីប Sada El-Balad ថា “កីឡាករ Ramos បានបង្កររបួសស្នាមដោយចេតនាដល់កីឡាករ Mo Salah ហើយគួរតែត្រូវបានពិន័យចំពោះសកម្មភាពរបស់គាត់”។
លោក Wahab បានបន្តថា “ខ្ញុំបានដាក់ពាក្យបណ្តឹងទៅកាន់ FIFA ហើយ។
“ខ្ញុំនឹងស្នើសុំសំណងដែលអាចលើសពី 1 ពាន់លានអ៊ឺរ៉ូសម្រាប់របួសទាំងផ្លូវកាយនិងផ្លូវចិត្តដែលកីឡាករ Ramos បានប្រព្រឹត្តលើកីឡាករ Salah និងប្រជាជនអេហ្ស៊ីប”។
អ្នកស៊ុតបញ្ចូលទីច្រើនជាងគេក្នុងក្របខ័ណ្ឌ Premier League 2017/2018 បាននិយាយថាគាត់ “មានជំនឿចិត្ត” ថាគាត់នឹងអាចលេងបានសម្រាប់ការប្រកួតរដូវក្តៅក្នុងប្រទេសរុស្ស៊ីទោះបីជាមានការភ័យខ្លាចពីរបួសក៏ដោយ។
កីឡាករវ័យ 25 ឆ្នាំរូបនេះបានចាកចេញពីទីលានជាមួយទឹកភ្នែក មុនពេលក្រុម Real Madrid ទទួលជ័យជម្នះ 3-1 លើក្រុមរបស់ខ្លួនក្នុងទីក្រុងគីវនៅរាត្រីថ្ងៃសៅរ៍។
ក្រុមហង្សក្រហម Liverpool បានស៊ុតបាល់បញ្ចូលទីចំនួន 9 គ្រាប់ ខណៈដែលរូបគេនៅលើទីលាន ប៉ុន្តែគ្មានឪកាសបានស៊ុតនៅតង់បន្តបន្ទាប់ទៀតឡើយ។កីឡាករ Ramos ដែលបានទទួលកាតលឿងសម្រាប់ការប្រកួតដ៏ចម្រូងចម្រាសរបស់គាត់បានជូនពរឱ្យកីឡាករ Salah ជាសះស្បើយឆាប់រហ័សកាលពីថ្ងៃអាទិត្យ។
នៅក្នុងអត្ថបទដែលបានបកប្រែពីភាសារអេស្ប៉ាញគាត់បានសរសេរថា “កីឡាបាល់ទាត់បង្រៀនអ្នកនូវមុខមាត់ដ៏ផ្អែមល្ហែមបំផុតគ្រប់ពេលនិងភាពជូរចត់របស់អ្នកដទៃ (Sic)”។
“ជាដំបូងយើងជាដៃគូ សូមជាសះស្បើយឆាប់រហ័ស Salah អនាគតកំពុងរង់ចាំអ្នក។”
អ្នកដែលបង្កើតញត្តិដើម្បីពិន័យកីឡាករ Ramos ក៏បានរិះគន់ទង្វើរបស់គាត់នៅក្នុងការប្រកួតដែលបានកើតឡើងកន្លងទៅ។ពួកគេបានសរសេរថា “គាត់បានធ្វើសកម្មភាពដែលថាកីឡាករ Liverpool បានធ្វើឱ្យគាត់ របួសដោយបំភ័ណ្ឌដែលធ្វើឱ្យអាជ្ញាកណ្តាលផ្តល់កាតលឿងអោយកីឡាករ Mane ដែលគាត់មិនសមនឹងទទួលបាន។កីឡាករ Sergio Ramos តំណាងឱ្យគំរូអាក្រក់ដល់កីឡាករបាល់ទាត់ជំនាន់ក្រោយ។
ជំនួសឱ្យការឈ្នះការប្រកួតដោយយុត្តិធម៌ គាត់ប្រើល្បិចដែលមិនគោរពតាមស្មារតីនៃល្បែងនិងការលេងដោយយុត្តិធម៌។
UEFA និង FIFA គួរតែចាត់វិធានការប្រឆាំងនឹងកីឡាករ Ramos និងកីឡាករដែលមានលក្ខណៈស្រដៀងគ្នា ដោយប្រើវីដេអូថតពីការប្រកួតដើម្បីរក្សាស្មារតីនៃការប្រកួត៕
ព័ត៌មានផ្សេងទៀត
Real Madrid លើកពានក្របខ័ណ្ឌ UEFA Champions League 3ឆ្នាំជាប់ៗគ្នា
អ៊ីរ៉ង់នៅតែស្ថិតនៅលេខរៀងទី 36 ក្នុងចំណាត់ថ្នាក់ចុងក្រោយរបស់ FIFA
សន្និសីទសារព័ត៌មានស្តីពីការប្រកួតកីឡាប្រដាល់ជើងឯកពិភពលោក ONE Women ទម្ងន់ស្រាលនៅសឹង្ហបុរី
Chelsea ត្រូវបានចោទប្រកាន់ពីការបញ្ចេញកំហឹងដាក់អាជ្ញាកណ្តាល
UFC មានបំណងផ្គូរផ្គង Georges St-Pierre និង Nate Diaz នៅរដូវក្តៅនេះ
Williams បានផ្តួល Higgins ដើម្បីឈ្នះជើងឯកស្នូកឃ័រពិភពលោកលំដាប់ទី 3
រដ្ឋាភិបាលអេស្ប៉ាញប្រគល់ពានរង្វាន់ខ្ពស់បំផុតដល់កីឡាករ Iniesta
ការលក់សំបុត្រ World Cup ២០១៨ នៅរុស្ស៊ីរំពឹងថានឹងទទួលបានជោគជ័យដ៏ធំធេង
កម្ពុជា ទីម័រខាងកើត បានបំបាក់មីយ៉ាន់ម៉ា សិង្ហបុរី ដើម្បីឈានទៅវគ្គផ្តាច់ព្រ័ត្របាល់ទាត់យុវជន ASEAN
Benzema ជួយ Real Madrid ឈានដល់វគ្គផ្តាច់ព្រ័ត្រក្របខ័ណ្ឌ Champions League
ព្រឹត្តិការណ៍ប្រកួតជិះស្គីលើទឹកនៅអូស្ត្រាលីត្រូវបានលុបចោលបន្ទាប់ពីការវាយប្រហារដោយត្រីឆ្លាម
គ្រូបង្វឹករបស់ប្រទេសប៉េរូបាននិយាយថា Messi សមនឹងទទួលបានពាន World Cup
ប្រទេសជប៉ុនទទួលបានគ្រូបង្វឹកថ្មីសម្រាប់ World Cup
លោក Pele: Neymar ដូចជា Messi ជាងកីឡាករ Ronaldo
Pacquiao មិនអាចរង់ចាំការប្រកួតដណ្តើមជើងឯកពិភពលោកពីកីឡាករ Matthysse
ក្រុមសិង្ហបុរីបញ្ចប់វគ្គជម្រុះក្នុងព្រឹត្តិការណ៍ Asian Cup ក្រោយពីចាញ់កោះតៃវ៉ាន់ 1-0
Messi ខកខានការប្រកួត Barca សម្រាប់ការសម្រាលកូន
កីឡាប៉ារ៉ាឡាំពិកចាប់ផ្តើមនៅ Pyeongchang
អ្នកប្រដាល់ជនជាតិអង់គ្លេសត្រូវបានហាមឃាត់មិនឱ្យប្រកួតរយៈពេល 2 ឆ្នាំបន្ទាប់ពីធ្វើតេស្តវិជ្ជមាន
អ្នកឧបត្ថម្ភស្រាបៀររបស់ FIFA នឹងប្តឹងកីឡដ្ឋានប្រកួត World Cup ឆ្នាំ ២០១៨