លោក Zidane លាលែងពីតំណែងជាគ្រូបង្វឹកក្រុម Real Madrid

គ្រូបង្វឹកក្រុម Real Madrid លោក Zinedine Zidane បានប្រាប់ព័ត៌មានភ្លាមៗកាលពីថ្ងៃព្រហស្បតិ៍ទី31 ខែឧសភា ដោយលាលែងពីក្លឹបយក្សអេស្ប៉ាញ ត្រឹមតែប៉ុន្មានថ្ងៃបន្ទាប់ពីឈ្នះជើងឯកក្របខ័ណ្ឌ Champions League សម្រាប់កំណត់ត្រាបីឆ្នាំជាប់ៗគ្នា។អតីតកីឡាករលំដាប់អន្តរជាតិវ័យ 45 ឆ្នាំរូបនេះ បានសំរេចចិត្តលាឈប់ពីតំណែងដោយនិយាយថាវាជាពេលវេលាសម្រាប់ការផ្លាស់ប្តូរខ្លួនឯង និងក្លឹប និងទទួលស្គាល់ថាគាត់មិនដឹងពីសមត្ថភាពរបស់គាត់ក្នុងការរក្សាកំណត់ត្រាឈ្នះរបស់គាត់នៅ Real ទេ។

ប៉ុន្តែគាត់បាននិយាយថាគ្មានក្លឹបណាមួយពាក់ព័ន្ធនៅក្នុងការសម្រេចចិត្តរបស់គាត់ក្នុងការចែកផ្លូវជាមួយ Real ឡើយ ហើយទោះបីអ្នកជំនាញបានភ្ជាប់គាត់ទៅនឹងការងារគ្រូបង្វឹកជម្រើសជាតិបារាំងក៏ដោយ ក៏លោក Zidane បានទទូចថាគាត់មិនកំពុងសម្លឹងមើលតំណែងថ្មីផ្សេងទៀតនៅពេលនេះទេ។

គ្រូបង្វឹកសញ្ជាតិបារាំងរូបនេះបានប្រាប់នៅសន្និសីទសារព័ត៌មានដែលត្រូវបានរៀបចំយ៉ាងប្រញាប់ប្រញាលមួយថា “ខ្ញុំបានសម្រេចចិត្តមិនបន្តនៅឆ្នាំក្រោយជាគ្រូបង្វឹករបស់ក្លឹប Real Madrid ទៀតទេ”។លោកបានបន្ថែមថា «ក្លឹបនេះសមនឹងបន្តទទួលជ័យជម្នះ ហើយត្រូវការការផ្លាស់ប្តូរ»។ លោកបានបន្ថែមថាលោកជឿជាក់ថា «ពេលវេលាបានមកដល់ហើយ»។

លោកបានបន្ថែមថា «បន្ទាប់ពីរយៈពេលបីឆ្នាំ ក្លឹបត្រូវការការពិភាក្សាមួយផ្សេងទៀត វិធីសាស្ត្រមួយផ្សេងទៀតនៃការធ្វើការ»។ក្រុម Real បានផ្តួលក្រុមហង្សក្រហម Liverpool ក្នុងលទ្ធផល 3-1 នៅវគ្គផ្តាច់ព្រ័ត្រក្នុងទីក្រុង Kiev កាលពីថ្ងៃសៅរ៍ដែលធ្វើឱ្យលោក Zidane ក្លាយជាគ្រូបង្វឹកទី1 ក្នុងប្រវត្តិសាស្ត្រ ឈ្នះពានរង្វាន់ក្របខ័ណ្ឌ Champions League បីដង។

បច្ចុប្បន្ន Zidane បានឈ្នះពានរង្វាន់ចំនួនប្រាំបួនចាប់តាំងពីដឹកនាំក្រុមជំនួសលោក Rafael Benitez នៅក្នុងទឹកដី Santiago Bernabeu កាលពីខែមករាឆ្នាំ 2016។

នៅពេលលោក Benitez ត្រូវបានគេបណ្តេញចេញពីតំណែងកាលពីខែមករាឆ្នាំ 2016 សារព័ត៌មាន Barcelona ឈ្មោះ Mundo Deportivo បានចាត់ទុកលោក Zidane ថាគ្រាន់តែជា “ស្កុតរំរបួស” ដែលនឹងត្រូវជំនួសដោយគ្រូបង្វឹកអចិន្ត្រៃយ៍ភ្លាមៗ។នៅក្នុងសន្និសីទកាសែតលោក Zidane ត្រូវបានគាំទ្រដោយប្រធានក្លឹប Real Madrid លោក Florentino Perez ដែលបាននិយាយថាការប្រកាសរបស់ Zidane គឺ “មិនបានរំពឹងទុកទាំងស្រុង” ។

លោក Perez បាននិយាយថា “នេះគឺជាថ្ងៃដ៏សែនក្រៀមក្រំ”។

“ផ្ទះនេះនឹងក្លាយជាគ្រួសាររបស់គាត់ជារៀងរហូត គាត់បានជោគជ័យនិងឈ្នះគ្រប់យ៉ាងដូចដែលអ្នកដឹង។ ខ្ញុំអរគុណគាត់ចំពោះការប្តេជ្ញាចិត្ត មហិច្ឆិតារបស់គាត់ ខ្ញុំគ្មានអ្វីសង្ស័យទេដែលគាត់នឹងត្រលប់មកវិញ”៕

ព័ត៌មានផ្សេងទៀត

ញត្តិដែលមានហត្ថលេខាចំនួនជាង 400,000 អំពាវនាវឱ្យពិន័យ Ramos Real Madrid លើកពានក្របខ័ណ្ឌ UEFA Champions League 3ឆ្នាំជាប់ៗគ្នា អ៊ីរ៉ង់នៅតែស្ថិតនៅលេខរៀងទី 36 ក្នុងចំណាត់ថ្នាក់ចុងក្រោយរបស់ FIFA សន្និសីទសារព័ត៌មានស្តីពីការប្រកួតកីឡាប្រដាល់ជើងឯកពិភពលោក ONE Women ទម្ងន់ស្រាលនៅសឹង្ហបុរី Chelsea ត្រូវបានចោទប្រកាន់ពីការបញ្ចេញកំហឹងដាក់អាជ្ញាកណ្តាល Williams បានផ្តួល Higgins ដើម្បីឈ្នះជើងឯកស្នូកឃ័រពិភពលោកលំដាប់ទី 3 រដ្ឋាភិបាលអេស្ប៉ាញប្រគល់ពានរង្វាន់ខ្ពស់បំផុតដល់កីឡាករ Iniesta ការលក់សំបុត្រ World Cup ២០១៨ នៅរុស្ស៊ីរំពឹងថានឹងទទួលបានជោគជ័យដ៏ធំធេង កម្ពុជា ទីម័រខាងកើត បានបំបាក់មីយ៉ាន់ម៉ា សិង្ហបុរី ដើម្បីឈានទៅវគ្គផ្តាច់ព្រ័ត្របាល់ទាត់យុវជន ASEAN Benzema ជួយ Real Madrid ឈានដល់វគ្គផ្តាច់ព្រ័ត្រក្របខ័ណ្ឌ Champions League ព្រឹត្តិការណ៍ប្រកួតជិះស្គីលើទឹកនៅអូស្ត្រាលីត្រូវបានលុបចោលបន្ទាប់ពីការវាយប្រហារដោយត្រីឆ្លាម គ្រូបង្វឹករបស់ប្រទេសប៉េរូបាននិយាយថា Messi សមនឹងទទួលបានពាន World Cup ប្រទេសជប៉ុនទទួលបានគ្រូបង្វឹកថ្មីសម្រាប់ World Cup លោក Pele: Neymar ដូចជា Messi ជាងកីឡាករ Ronaldo Pacquiao មិនអាចរង់ចាំការប្រកួតដណ្តើមជើងឯកពិភពលោកពីកីឡាករ Matthysse ក្រុមសិង្ហបុរីបញ្ចប់វគ្គជម្រុះក្នុងព្រឹត្តិការណ៍ Asian Cup ក្រោយពីចាញ់កោះតៃវ៉ាន់ 1-0 Messi ខកខានការប្រកួត Barca សម្រាប់ការសម្រាលកូន កីឡាប៉ារ៉ាឡាំពិកចាប់ផ្តើមនៅ Pyeongchang អ្នកប្រដាល់ជនជាតិអង់គ្លេសត្រូវបានហាមឃាត់មិនឱ្យប្រកួតរយៈពេល 2 ឆ្នាំបន្ទាប់ពីធ្វើតេស្តវិជ្ជមាន អ្នកឧបត្ថម្ភស្រាបៀររបស់ FIFA នឹងប្តឹងកីឡដ្ឋានប្រកួត World Cup ឆ្នាំ ២០១៨